كريم لتفتيح الجسم والاماكن الغامقة
ماسك للوجه والجسم للتفتيح والتنظيف والعناية بالبشرة
وصفات طبيعية 100% بنقدمها هدية للعرايس
لكل عروسة فرحها قرب تحضر ورقة وقلم لان مهم جدا العناية في البيت , طبعاً مهم اننا نروح لخبراء جلدية وتجميل - ومهم اننا ناخد باستشارتهم - لكن يوميا لازم نعمل حاجة في البيت ونهتم عشان نبقى عرايس حلوين في الاخر
اغلب البنات والستات بتحب وتميل للوصفات الطبيعية
واحنا اليوم وفي التدوينة دي - هنكلمكم عن وصفة طبيعية جميلة جدا تهم كل عروسة
وقبل ما ابدأ - احب اطرح سؤال يتبادر على اذهان العرايس
سؤال مهم : امتى العروسة تهتم بنفسها - التوقيت ؟
اكيد العروسة معرفتش ان فرحها بكرة - او بعد بكرة - فجاة كدا .. اكيد تعرف الميعاد من شهور
اذن - انا كـ عروسة - وانا بستعد وبوضب في البيت - كمان ابتدي اوضب في جسمي
لان في مشاكل ما ينفعش نعالجها في اسبوع - في اماكن غامقة في بثور في البشرة في بثور في الضهر ... الخ
مش هينفع نعالجها في اسبوع
اذن التوقيت : المفروض على الاقل قبلها بشهرين ( افضل توقيت ) اوكي ؟
وصفة انهردا هي لتفتيح الجسم عموما مش مكان مخصص - تنفع لكل الجسم - الاماكن الغامقة زي الكوع والركبة دي بعد الوصفة بنعمل شئ تاني اثناء الشهرين - فـ تبتدي تفتح معانا
الكريم بتاع انهردا: كريم للتفتيح - كريم بيوحد لون الجسم بيعمل ريحة حلوة - كريم بيدي نعومة
كريم تفتيح وتوحيد لون الجسم
يستعمل قبل الحمام
المكونات : ياريت تنقلي المكونات
ا - صابونة : اي نوع صابونة عندك - المهم تكون صابونة معطرة .. بالنسبة للمقيمين في مصر في نوع صابونة عطرها قوي وفواح و رخيصة بـ 1 جنيه وهي صابونة >> دش
ب - ازازة ماء ورد
ج - كوب استنالس أو علبة صفيح + وعاء الومينيوم أو صفيح + برطمان زجاج
د - اربع معالق زيت زيتون
هـ - اربع معالق جلسرين
و - ليمون .. لمونة واحدة كبيرة
الطريقة : نبتدي نبشر الصابونة و بعدين توضع ليلة كاملة في ازازة ماء ورد لحد الصبح
ملحوظة : لو مش عارفين ازاي نحط الصابونة في ازازة ماء الورد وبعدين نخرجها تاني بدون ما تحصل مشاكل وقلق - تقدري تقطعي اي ازازة بلاستيك من نصفها او اعلى شوية وتصبي فيها ماء الورد وبعدين تحطي الصابون المبشور
المهم اننا نغطي الخليط كويس جدا لمدة ليلة كاملة - من العشاء حتى الصباح يكون افضل
بعد كدا ناخد الصابونه - وهنلاحظ ان الصابونة اصبحت عجين - ونحطها في وعاء استنالس أوصفيح (علبة كريم من الصفيح فاضية مثل كريم بالمرز مثلاً) المهم يكون الوعاء سريع التأثر بالحرارة - ونحطها في حمام ماء ساخن ونقلب عجين الصابون بملعقة خشبية مثلا - الى ان يصبح اشبه بالكريم لحد ما ويمكنك استشعار ذلك بفرك عينة من القوام بين اصبعك - تستمري في التقليب الى ان يصبح القوام مقارب لقوام الكريم - بحيث يسهل فرده على الجلد وما يتفتتش
حمام الماء : اي وعاء - وعاء الومينيا أو حلة - وعاء مش شرط يكون كبير المهم يكفي لدخول علبة الصابونة ويكون الوعاء فيه ماء ساخن - يعني تحضري الماء الساخن الاول وليس التسخين المباشر اثناء وضع عجينة الصابون لذلك وجب التنويه
وظيفة حمام الماء الساخن - هو ان عجينة الصابون تسيح استجابة للسخونة الغير مباشرة والهادية - ومع التقليب بالاصبع نبتدي نستشعر هل القوام ابتدى يبقى كريم نوعاً ما ولا لسا
اثناء التقليب في حمام الماء الساخن نبتدي نضع معالق زيت الزيتون الاربعة - ملعقة ونقلب ثم ملعقة ونقلب الى اخر ملعقة ومع استمرار التقليب - هتلاحظي ان اضافة زيت الزيتون سهل من عملية التقليب ووصول العجين لمستوى الكريم - دا صحيح بالاضافة لاهمية زيت الزيتون في عملية الترطيب المستهدفة
اثناء التقليب ايضاُ - سواء قبل او بعد اضافة زيت الزيتون - نبتدي نضيف معالق زيت الجلسرين الاربعة - وبنفس الكيفية نضيف ونقلب
بعد وصولنا لقوام الكريم المنشود - وقبل ما العجينة تبرد من سخونة حمام الماء - نعصر ليمونة كبيرة - او 4 ليمونة متوسطة - المهم تعصري كمبية ليمون عليها القيمة - لانه هو الاساس في عملية التفتيح - ونقلب لـ حتى تختفي عصارة الليمون و تمتزج بالكريم
بكدا نقول مبروك - دا اول كريم انتي صنعتيه بـ ايدك - ابتدي فضيه في برطمان زجاجي - برطمان قصير له فتحه تستطيعي ادخال واخراج ايدك - عندك مثلا برطمان المربى أو العسل ال 1/8 ( ثمن ) كيلو - تقدري تستخدميه
نقدر نقول ان دور الصابون انه يحتوي على مادة الصودا ( بتساهم في عملية التفتيح ) وهو القوام ال هيتفرد و بيحمل داخله العناصر الهامة في التفتيح والتنعيم وهي
ا - زيت الزيتون ودوره الترطيب وتغذية البشرة - بالاضافة للتقليل من اثر شد الجلد الذي يحدثه الليمون
ب - الليمون دوره التفتيح والتنظيف بالاضافة لكونه مادة حافظة هيساعدك انك تحفظي الكريم اطول فترة ممكنة
ج - الجلسرين الهام في عملية التنعيم وايضاً مُلين للجلد
هـ - ماء الورد لترطيب البشرة وينعمها ويساعد على التفتيح وتنقية البشرة
بالاضافة لكونه قوام مُعطر طبعا وبكدا احنا استفدنا كمان تعطير الجسم
هناك فائدة تانية للكريم هـ نتركها مفاجأة في اخر التدوينة
طريقة استخدام الكريم
ندهن الجسم بالكامل - و كما قلنا ندهن قبل دخول الحمام - ويوزع على الجسم بطريقة متساوية ( لتوحيد لون الجسم ) ومتجانسة حتى يتشربه الجسم كله - يعني ندهن بطريقة دائرية بـ رقه وبشكل متساوي ومتكرر حتى يتشربه الجسم ويكاد يختفي تماماً
ثم نتركه على الجسم 4 ساعات قبل دخولنا للحمام
تقدري تلبسي بعد الدهان ملابس خفيفة - بدلاً من اللبس الكامل تحاشياً لالتصاق الكريم بالملابس فـ تتسخ وايضاً حتى نضمن بقاء الكريم على كل اجزاء الجسم اطول وقت ممكن
تقدري كمان تدهني بالليل - وتنتظري ساعتين مثلاً قبل النوم - وفي الصباح تاخدي الشاور بتاعك
عند دخولك الحمام ( الشاور ) : الاغتسال بـ ماء دافئ على قدر استطاعتك ولو في بخار كمان في الحمام يكون افضل تتركيه شويه قيل الاغتسال بالماء الدافئ - بعد كدا بـ ليفة الاستحمام و اثناء دش الماء الدافئ - حركي الليف على جسمك بشكل دائري ( مع اتجاه الدورة الدموية يكون افضل ) وليس شرطاً الاغنتسال بالصابون
عند دخولك الحمام ( الشاور ) : الاغتسال بـ ماء دافئ على قدر استطاعتك ولو في بخار كمان في الحمام يكون افضل تتركيه شويه قيل الاغتسال بالماء الدافئ - بعد كدا بـ ليفة الاستحمام و اثناء دش الماء الدافئ - حركي الليف على جسمك بشكل دائري ( مع اتجاه الدورة الدموية يكون افضل ) وليس شرطاً الاغنتسال بالصابون
مفاجأة اخرى في فوائد الكريم
مع تكرار استخدامه - شعر الجسم بيخف بشكل غير طبيعي
حفظ الكريم : تقدري تحفظي الكريم ( في برطمان زجاج ) بدون مشاكل لاستخدامه عدة مرات - طالما انك حافظتي على طريقة تصنيعة ال شرحناها - يعني اضفتي كمية ليمون مناسبة و خلافه .. تقدري كمان تحفظي الكريم في الثلاجة فترة الصيف وستحصلي على فائدة جديدة من خلال حفظك ليه في الثلاجة - وهي شد الجسم .. الخليط بعد حفظه في التلاجة هيبقى له القدرة على شد العضلة و على شد الجلد بشكل ملحوظ
اي استفسار - اترك تعليق و ان شاء الله هنرد عليك في اقرب وقت ممكن
اي استفسار - اترك تعليق و ان شاء الله هنرد عليك في اقرب وقت ممكن
انتظرونا وتدوينة عن : لسيون ومرطب للبشرة الجافة
تابع جديد بيتي بيديا في الأعشاب ووصفات علاج مشاكل البشرة بالأعشاب والخلطات الطبيعية المفيدة من خلال جروبنا الرسمي "عالم الأعشاب والنباتات الطبية" على الفيسبوك .. يمكنك ايضاً المشاركة في الجروب بالمنشورات التي تتعلق بالأعشاب والعطارة أو استشارة الاعضاء المتخصصين في الوصفات والخلطات الطبيعية وطرق العلاج.
